Pluh ka ing ha Mawklot

Shillong, 19 Nailar:
Mynta ka sngi ka la don ka jingjia pluh ing ha Mawklot, Upper Shillong. Katei ka dei ka ing jong ka kong Bloris Nongdhar, kate ka jingjia ka la jia ha ka por 12:45 baje myn sngi. Ha katei ka jingjia ym shym la don ba myn saw, hynrei ki la don ki jingdon jingem ba kyn thup ia ki tiar shet tiar tiew kiba la ing khong plain.
Katei ka ing ka dei ka don ar mala bad ka mala kaba shapoh ka la ing lut shapoh katba ka mala kaba ha jrong pat kam pat ka shah ktah malu mala. Ka ding kam shym la ioh ban bam lut ia katei ka iing namar ka jingkloi ki paidbah nongshong shnong ka Mawklot bad kumjuh ka jingsted jong ik pulit pynlip ding ban poi sha katei ka jaka.
Ha katei ka jingjia ki briew jong ka Mylliem C&RD Block ruh ki la poi mar mar sha katei ka jaka, ha kaba ki la ioh ban phah ia ka ripod jong ki mynta hi ka sngi sha u Deputy Commissioner ka East Khasi Hills District. Katkum ka jingshim jingkhein ka ophis ka Mylliem Block ki la shim ba ka jingjulor baroh ka kot sha ka T.3.0 lak tyngka ( Lai Lak shiteng).
La antad ba ka daw ba katei ka ing ka la puh ka dei namar ka jingthud ki bor ilektrik ha katei ka ing. Kham hadien na ophis jong ka Mylliem Block ki la leit ban noh khyndiat ki jingiarap sha ka longing kaba la mad ia katei ka jingjia ba sngewsih da kaba noh syn niang sha katei ka long ing da ki jain ki nep bad ka pisa.