Wan pyndem 2 ngut ki snar ka LAEF

Shillong, 19 Nailar:
Ar ngut ki dkhot ba snar ka Liberation of Achik Elite Force (LA EF) ki la wan pyndem wait noh hynne ka sngi ha ki pulit ka jylla.
Ha ka khubor pyn lait, ki pulit ka jylla ki la ong ba kine ar ngut ki dkhot ki la wan pyndem ha ki pulit ka North Garo hills district. Kiba wan pyndem la tip kyrteng kum u Sodum T Sangma ba ju khot sin kum u Jop Bigshow bad u Saintchecker Sangma. Ki la leit pyndem ha u SP ka North Garo hills.
U  Sodum u la wan pyndem bad ka AK 47 bad ar tylli ki magazine bad 31 tylli ki kuli, katba u Saintchecker u la aiti kawei ka  9mm pistol bad kawei ka magazine bad 6 tylli ki kuli, la ong ka khubor pulit.