Kyrshan ia ka surok Nongstoin-Wahkaji

Shillong, 17 Nailar:
Ka HYC Mariem Area Unit, South West Khasi Hills ka la pynpaw ba ka kyrshan ia ka jing pyntrei ia ka surok 2-Lane na nongstoin sha Wahkaji ban shna pyndep da ka kompeni BSC C&C JV. Ka kyrwoh na u General Secretary katei ka seng u bah Moonkingstar L Paliar ka la ong ba katei ka seng kan sa leit ban ia kren ia ki bor bahalor halor ka jingshah ktah ki longing longsem na kaba pyntrei ia katei ka surok. Ka la kyrpad ruh ia kiwei pat ki sengbhalang ba kin ia kyrshan lang ia katei ka mat naba kan wanrah ia ka roi ka par ha ka thain baroh kawei. Ka HYC ka la pynpaw ba ka la shim ia katei ka rai ka dei halor ka jingsahdien palat katei ka thain na ka daw ka jingbym biang ka surok kaba la ktah ia ka khaii ka pateng bad ka kit ka bah ki paidbah.