Kumba iaknieh tiket sinema, iaknieh rung ha iing u Lat

Shillong, 16 Nailar:
Ka jingkwah jong ki paidbah ban ioh rung ha jakasah jong u Lat ka la long kumba leit sinema ha kaba ka jingiathyngianka la long kaba jur bha. Kane ka la jia ha kane ka sngi Saitjain badei ka sngi Laitluid ka ri India ha kaba la ju plie bad ailad ia ki paidbah ban rung kai ha jaka sah jong u Lat ka jylla.
U nongthoh khubor u la ioh lad ban leit peit ha katei, ka jaka, laiohi ba ki paidbah naduh ki kynthei bad shynrang ryngkat ki khynnahrit ki la ieng lain uba jrong bha.
Bun ki khynnah kiba iam ruh namar ka jing khapngiah na ka jingia kniehban rung shapoh bad ka daw, ka long ba ki bor pahara kim lah satia banshu pynlait laitlan ia ki nongwan peit kai hynrei ki hap ban peit badban talasi ia ka met ka phad jong ki nongwan.
Kane ka la pynlong ia ki paidbah ban hap ieng lain ba jrong bha naduhka por 4 baje janmiet haduh 7 baje janmiet ruh kam pat kut satia kajingieng lain.
Haba shu peit antad, kiba wan peit kai ha iing sah u Lat kim dunashuh ia ka shi hajar ngut.  Bun kiba wan peit kai ia ka iing u Lat, kila pynpaw ia ka jingsngew tynnad bha ban ioh rung ha kane ka jaka sah jongu kaba long kum ka park namar ka jingitynnad ka jaka, ki syntiewki skud, ki dieng ki siej bad ka jingkhuid.
Ka khyrdop ban rung sha iing u Lat ka la shlei bad u lain ba ieng kibriew u la ieng ar lian kawei sha ka surok ban leit sha All IndiaRadion bad kawei sha ka surok ban wan na ka bynta ka Nan Polok.
Hapoh phyllaw jong ka iing sah u Lat la pynitynnad ia da ki dingelektrik ba pynpur ha ki dieng, ha ki syntiew bad ki um ba kyrsoinapoh sha jrong lyngba ka bor ka elektrik.