Kynriah ki nonghikai ban shong kyrain, na khmat Secreteriat, shadien Additional

Shillong:Mynhynnin ka step, da ka jingpynmih hu kum ka Deputy Commissioner, East Khasi hills District, ki nonghikai, ki la kyn riah noh, na khmat ka surok, ha ka khyrdop jong ka Secretariat kaba ki nonghikai Adhoc, kiba don ha ka lama jong ka FAS TOM, kaba la kylla ka jaka thiah jaka dem bad jaka sah miet kaba lai sngi naduh ka 28 tarik u jylliew 2022. Lyngba katei ka hukum, ki nonghikai, ka la kynriah noh na katei ka jaka, ban leit ban shong ha ki bynta ba hadien ka Additional Secretariat.

U nongai ktien ka FASTOM, u bah Mayborn Lyngdoh, ula iathuh ba kane ka jingkohnguh ka long kaba ki burom mar kylliang, kumba la ai hukum bad ban trei ryngkat bad ka police department, namar ka dei kaba peit ia ka bha ka miat jong ki nonghikai.

Haba kylli na u Mayborn, la ki don ne m ki nonghikai kiba ioh mat ia ka jingpang lane jingshitom ha kaba thiah miet ha surok, ula ong ki sngew kmen ba kum kita kim shym wan jia ka pang ka shitom.
Haba ia dei bad ka jingiakhih ki nonghikai Adhoc ha Tura, la iathuh ba ka long kumjuh kumba iakhih ha shillong ha kaba u MR ka jylla, u leit jngoh ia ki bad la iathuh ba ka dei ka juh ka kynhun kaba ia iaid ryngkat ryngkat.