Byrngem khang tala, ia ka painkhana ba shim pisa ia ki nonghikai

Shillong:Hadien ba ka seng HNYM, ka la ioh jingtip na ki nonghikai ba ka paiñ khana kaba don ha Additional Secretariat, ka la shim pisa ia ka bai leit shabar jong ki nonghikai, kumta na ka liang ka seng HNYM; ha ka jing ialam jong U President u bah Louis Dohtdong, ki la wan ban maham ia kine ki nongap paiñkhana ba lada kin shim pisa biang ia ki nonghikai kin wan khang tala noh syndon ia kane ka paiñkhana, u la ong.

Ha ka jingia kren bad ki kotkhubor, U Bah Dohtdong, u sngew lyngngoh ruh, ba ia katei ka pain khana, kaba don ha jan Secreteriat, la long trai pynban, da u briew uba na Guwahati.