Shillong:Ha ka 29tarik Jylliew 2022, ki don 4ngut ki nong bylla, kiba wan na Assam, na ka bynta ban trei bylla shna iing ha Jaiaw.
Ha ka por 6.10 baje janmiet, katba ki dang wan phai da ka taksi, kaba la niah da u nongniah trai shn ong, ki la shah khang lynti ha ka jingkieng ha Umpohliew. Kitei ki 5ngut, ba kynthup ia u nongniah taksi, ki la shah shoh, ha kaba saw ngut, na kitei ki la kham mynsaw jur, namar ba ki la shah bom da u tyrnem.
Ki dkhot VDP, ki la leit beh ia kitei kiba shoh briew bad kumta, ki la ioh bat ia uwei na kiba leh ia katei ka kam shoh briew na Mawlai Phudmuri, Madan heh. Ki pulit, ki la leit mar mar sha katei ka jaka bad ialam ia kitei kiba shah shoh sha hospital, ha kaba uwei na ki, ula shah sumar sha hospital.
Kham hadien, ki pulit, ki la ioh kem sa ia ki 5ngut kiwei pat kiba donkti ha kaba shoh ia ki nongbylla bad na kitei ki hynriew ngut, ki don 3ngut kiba dang kham khynnah. Ki pulit, ki la shimti ia ka jingtohkit, katba kum ka Lumdiengjri PS Case No. 68(06)2022 U/S 341/326/34 IPC. La pynthikna ruh ba kitei ki khynnah, ki dei kito ki juh kiba niah bike bad kiba shoh briew ha ka 24.06.2022.
Ha katei kajuh hi ka met, la kem sa uwei pat uba donkti, ha kaba shoh briew, ha ka 24tarik Jylliew 2022 bad baroh kiba shah kem, ki long 11ngut. Ki pulit, ki dang trei shitom, ban kem ia baroh kito kiba donkti.
Dei ban ai ka jingpynsaja kaba tyngeh ia ki runar kiba pynthut ia ka shongsuk shongsain bad kiba wanrah jingiasngewpher jaitbynriew