Paw ki dak ki shin, ban phet saw ngut ki MLA na ka AITC

Shillong:Ka jingïalang jong ka AITC, mynhynnin ka sngi kaba la long ha U Soso Tham Auditorium Shillong ka la pynmih pyrthei ba kan don ka jing phet seng jong ki saw ngut ki MLA ka AITC sha kiwei pat ki seng, namar kim shem la wan shim satia ha kane ka jingïalang. Kine ki MLA kiba la jah ki kynthup ïa u Jimmy D. Sangma, Marthon Sangma Alqu ish Marak, Himalaya M Shangpliang, Shitlang Pale.

Haba pyrshang ban kylli na u Abhishek Banerjee la kin don ne em kiban phet seng na ka liang jong u ruh u ong “Lehse kan don kaba kum kata, hynrei ka AITC kam bat ïano ïano ban neh bad ka”.

Kum ban shu pynkynmaw ba kine ki saw ngut ki MLA ki dei lang kajuh ka kynhun kaba la phet noh na ka seng Congress hapoh ka jingïalam u Dr Mukul Sangma bad ban leit pynïasoh noh pat bad ka AITC.