Yn bteng ka jingjur slap ha ki lai sngi ban wan ha ka jylla

Shillong: Ka tnat peit mariang jong ka sorkar India, ka India Meteorological Department (IMD), ka pyntip, ba kan don ka jingther slap kaba jur bad kaba jur bha ha ka jylla, ha ki lai sngi ban sa wan, kaba sdang naduh mynta ka sngi.

Ka jinghap slap, kan long kaba jur bha, mynta ka sngi, ka 28tarik Jylliew 2022 bad katei kan dei ha ka 29 bad 30tarik Jylliew ruh, wat la kan nym da long kaba jur haduh katta katta.

Ha ki 24 kynta ba ladep, ka jinghap slap ka long Sohra(RKM) 252.4, Sohra 200.0, Shella 199.0, Mawsynram 173.6, Khliehriat 110.8, Mawkyrwat 105.0, Mawphlang 46.4, Jowai 35.6.

Ki jaka, ki ban jur slap bha, kin long ka East Jaintia hills, East Khasi Hills, West Jaintia Hills, South-West
Khasi Hills, South Garo Hills.