Kyntait ka seng Congress, ban phet seng noh U Ma Pala

Shillong:Hadien ba kawei ka post ha ka sla (page) ha Facebook kaba la ai kyrteng kum ka Shillong Daily ka la pynmih hynnin ka sngi ïa kawei ka jingthoh kaba la kam ba u President jong ka seng Congress Megha laya (MPCC) u Bah Vincent H Pala u don ka jingthmu ban mih noh na ka seng Congress na ka daw ba u long u maw jynthut ba pyntroiñ ïa ka seng Congress ha Meghalaya.

Ka seng Congress mynta ka sngi, lyngba ka Kong Susuki pariat kaba dei ka coordinator jong ka All India Mahila Media, Meghalaya ka la kyntait war ïa kane ka jingkam jong kane ka sla ha Facebook, da kaba ong ba ka dei tang ka jingkam jong ki riew shim kabu ban ïalam bakla ïa ki paidbah ka jylla.

Shuh shuh ha ka kyrwoh, ka Kong Susuki ka la ong ba kum ka seng ba ka jylla “Ngi don ka jingkut jingmut kaba skem, kaba shida, bad ka akor burom na ka synshar khadar ba da ka jingai jingkyrshan ki nongshong shnong ka jylla ngin poi sha ka thong” pynkut ka kyrwoh.