“Pyn sakhi, ia ka jingdie jaka, kaba T.20hajar klur bad ngan resain” ong U MDC

Shillong: U MDC ka Rymbrai Jyrngam u bah Bajop Pyngrope, u la ai jingmut ia ki Hima ha Ri Khasi Jaintia ban husiar na kino kino ki kynhun kiba kular ban leh mukotduma, halor ka mat u pud u sam ba ioh dei tang ka buit ba kin kamai pisa na ki Hima.

Haba ia kren bad ki lad pathai khubor u bah Bajop u la ong “Ki Hima ki dei ban husiar na kino kino ki kynhun ki ba kwah ban kamai pisa na ki hima ban ia khun mukotduma halor ka mat u pud u sam“.

U la bynrap “Ka mat u pud u sam ka dei ka sienjam ban ai hap ban ai ka jingiaroh ia ka sorkar MDA ba ka la lah ban shimkhia, namar ba la 50 snem khlem don kano kano ka sorkar kaba lah ban pynbeit ia kane“.

U la ong ruh “U myntri rangbah ka jylla Assam ruh u dei u briew u ba dang sngewthuh ban ia kren da ka jingsngewthuh lang ngi ngeit ba ia kane ka mat yn lah ban pyndep noh“. U bah Bajop u la kop ruh ia ki briew ki ba la kynnoh ia ka sorkar ba ka la die ia ki jaka ki ba na khappud sha ka Assam ha ka dor kaba la kot sha ka T20,000 klur da kaba ong “Nga ong ia kito ki briew ki ba kynnoh ba ka sorkar ka la die T.20,000 klur ia ki jaka na ka jylla ba ki dei ban wanrah ia ki sabut sakhi bad nga kloi ban resign kum u MDC lada ki lah ban ai ia ki sabud sakhi ba ngi la die”.