Bam klep U Chowkidar, haduh T.37lak ka pisa jong ka KHADC

Shillong: Uwei Chowkidar jong ka jaka thung dieng ka KHADC, u ba kyrteng u Bah F. Khymdeit, u la
bam klep ïa ka pisa jong ka KHADC haduh kumba 37 lak tyngka.

Kat kum ka jingtohkit ka la lap ïa kane ka jingbam tuh une u nongap pahara ïa ka khlaw thungdieng, kaba la jia ha ka snem 2011-2012 haduh 2013. Hadien ka jinglap jong ka jingtohkit, ïa kaba une u Chowkidar u la phla ba u la leh shisha ïa kane ka kam bam klep ïa ka pisa jong ka KHADC.

Na ka liang ka KHADC kam shym la shim kano kano ka jingpynshitom, hynrei ka la rai ban shu khate da ka
tulop jong u da 10 hajar man la u bnai, ïathuh u Bah Titos Chyne.

“Kane kadei kaba la jia ha ka snem 2011-2012 bad 2012-2013 bad ka Jingtohkit ruh ka la pynkut ïa kane ka kam da kaba khate tulop na une u Chowkidar” ong u Bah Titos.

Haba la kyli kumno kat 37 lak u la pyndonkam bakla, ka KHADC ka shu ot tulop ïa u. U Bah Titos, u la ong
ba kaba lah ban pynshitom ïa une u nongtrei ka long tang ban phah kem ïa u bad lada leh kumta, ka mut ïa ka pisa pat ym ïoh shuh. Te kaba kham biang ka long ban shu khate tulop na u namar ka Council ka ïoh biang ïa ka pisa ba u la tuh.

Shuh shuh ka KHADC, ka la phah siew ruh ïa u Chief Forest Officer 1 lak tyngka shi bnai na ka 5 lak
tyngka kaba kaba daiñ kuna ïa u, kum u khlieh jong ka Forest Department ha kaba ka jia kane ka jingdie tuh ïa ki dieng.