Nang mih ki nong shakri Balang sha ka kam shakri paidbah

Babu Kular Khongjirem

Katba nangmih ki sngi,katta ka kam shakri paidbah(political services) ruh ka la nang i shongshit bad itynnad shuh shuh namar ka jingbym lah nguid shuh ki riewshisha bad ki nongialam jong ki Balang bapher bapher halor ki kam thok bad kam shukor bein kine ki nongsain pisa pyrthei (politicians)ia ki paidbah ba lui lui(innocent people).

Ha ka por ba ialeh MP Elecshon i (L) Rev.PBM Basaiawmoit, ki la mih bun ki jingkynthoh ba har rukom ba, ki briew kiba la bat ia ka kyrdan Pastor(Reverence) kim bit satia ban ia khleh bad kynsum lang bad ki kam shakri paidbah(politics). Don pat kiba ai mynsiem bad pynshlur ruh ba kaba shakri ia u para briew kalong hi ka jingshakri ia u Blei.Na ka Result MP ha kito ka por,u (L) PBM Basaiwmoit u la ioh bun bha ki vote bad imat, bun hi ki paidbah kiba kyrshan ia ki Pastor ban mih sha ka kam shakri paidbah.

Hynrei, naduh kham mynshwa ruh,ki don hi uwei ar ki Pastor kiba don bynta ha ki kam politic,don ruh kiba bat wat kum ki president ne secretary ha ki circle/Block level. Mynta u snem pat,ka jingkyrmen ka wan biang ba don katto katte ki briew kiba la bat teng ia ka kyrdan Pastor ki la mih shakhmat ban shakri noh ia u paidbah nalor ka jingshakri ia ki Balang.Ka jingmih bad sei kyrtong ka seng VPP na Mairang Assembly Constituency ia ka kyrteng uwei u Pastor(Rev) uba angnud ban pynkylla bad pynthymmai noh ia ka rukom pyrkhat(mindset) ki briew sha kato ka thain ka la pynkyndit ia ki paidbah khamtam ia ka Dome kaba hap kyrsan khlem poi pyrkhat wat u Speaker ruh, kaba la tei skhem bha ia ka New building ka Assembly ha Mawdiang Diang dangshen.

Sa uwei pat u Pastor uba dei ruh u Doctor of Devinity u la kwah bad pynpaw pyrthei ban iakhun Election noh na Jowai Constituency ha ka MLA Election 2023 ban sa wan shen.Mynta ka taiew pat,sa u Pastor cum social activist, i Rev K.Pyrtuh i la mih kyrteng ban iakhun noh ia ka Election namar ka jingshah thok bad bym ler kine ki nongsynshar kiba bat mynta ia ka bor sorkar ban peit bad khmih lem ia ka jingeh, jingkordit ba u duk u suk, u thap u dap, u paidknup u paidtrap u ia kynduh na ka por sha ka por. Ka jingmih jong kine ki Pastor ban ialeh ia ka election kan long ka jingkyrkhu ia ki paidbah namar kaei kaba don hapoh ka dohnud jongki ban shakri ia ki para briew kin pynpaw shai ha kane ka election ban wan.Lada kane ka dei shisha ka jingpasiaw kaba napoh,kan don beit ka jingkylla ha ki katto katne ngut ki paidbah bad lada kalong ha kata ka rukom,ka dei ka dak jong ka jingsdang(it is the beginning) hynrei kam dei pat ban long ka jingkut noh(the end).