Nongpoh: U Dasakhiatbha Lamare, MLA ka Mawhati Constituency, hynnin ka sngi Saitjain, u la leit ban sam tin sopiing sha ki 223 tylli ki longiing ba duk kiba don ha ka thain Umlaper bad Umsiang, ha kaba ia katei ka jingsam tin la pynlong ha ka shnong Umsiang.
Nalor u MLA, kiba la sakhi ruh da ka jingdon kiwei ki riew rangbah, kiba kynthup ia u Bah RM Mukhim, Working President ka NPP Mawhati, u Bah Donboklang Kharnaior, General Secretary ka NPP Mawhati, u Bah Shemphang Lyngdoh lem bad shibun ngut ki riew rangbah jong katei ka thain.
Haba iadei bad katei ka jingsam tin sop iing sha ki longiing baduk, u Dasakhiatbha Lamare, u la pynpaw ia ka jingkmen ba kum u nongmihkhmat, u la lah ban aiti ia kitei ki tin sop iing, ia kaba u la thied lyngba ka skim SRWP jong u snem 2021-2022, ia kaba u la angnud la slem bah ba un aiti noh ia kitei ki tin sha kito ki longiing kiba dei hok ban ioh.
Haba ai jingkren ha katei ka sngi, u Dasakhiatbha Lamare, u la pynpaw ba watla u la hap ban iehnoh ia ka Mawhati bad uba la leit ban iakhun na Nongkrem, hynrei watla katta u la lehbha na bynta ka Mawhati, ha kaba kawei na kiba u la lah ban leh, ka dei ka surok na Umsning sha Sonidan, nalor kata u la ong ruh ba wat ka surok na Sonidan sha Umsiang ruh kan sa urlong.
Na bynta ban dang iai buddien ia ki kam bym pat dep, u Dasakhiatbha Lamare, u la kyntu ia ki paidbah jong katei ka thain, ba ha kane ka kynti kaba mynta ba ki dei ban kyrshan tyngeh ia u Bah Shemphang Lyngdoh, u ban sa long kum u kyrtong ka NPP na Mawhati na bynta u 2023.
last election me shu thied ia ka vote ki paitbah kumno me nud ban ong ba ki kyrshan ia me, lada wan ki briew na Mawhati ban wan pan jngiarap me ong ba me lah ba iarap namar me la siew ia ki breiw ka Mawhati ha ka last election
Dang ia bt pisa te surok ruh um don n jingmyntoi ruh um nyn ioh ei2