Mynta ka sngi, jur slap tam ka Mawsynram, haba nujor ha ki 83 snem

Shillong: Ka jinghap slap ha Mawsynram, mynta ka sngi, ka poi sha ka 1003.6mm bad katei ka dei ka jingkhein, kaba ha ki 24 kynta ba ladep.

La ong shuh shuh, ba ka Sohra, ka dang iai bat, kum ka jaka kaba jur slap tam, haduh mynta, namar ba ka poi sha ka 1563.3mm, ha ka 16tarik Jylliew 1995. Na ki jingkhein, la pyni, ba ka jinghap slap ha Mawsynram, ka dei kaba jur tam mynta ka sngi, haba ia nujor, ha ki 83 snem ba ladep, kaba long naduh u snem 1940.