Dkut ka surok sha Lumshnong; ther jur u slap ha Sohra, ha ki 24 kynta ba ladep

Shillong: Ka jinghap slap ha ki 24 kynta ba ladep, ha ki bynta bapher jong ka jylla.

Ha Sohra RKM 680.8, Sohra 673.6, Mawkyrwat 360.0, Khliehriat 280.0, Jowai 186.2,
Shillong 46.1, Tikrikilla 23.6, Nongstoin 112.0, Williamnagar 62.0, Baghmara 75.4,
Tura KVK 20.4, Mawphlang 235.5.

Ka khubor pulit, ka iathuh ba ka don ka jingtwa khyndew, hajan ka jingkieng Treiongriang, ha ka surok ban leit na Jowai sha Amlarem Road. Ka leit ka wan, ka la sahkut, ha katei ka surok.

Kiwei pat ki khubor, ki iathuh ba ka dkut ka surok ban leit sha Lumshnong. La iohi ha ka video, ba ka don kawei ka trok, kaba la ngam shapoh, na katei ka jingdkut jong ka surok bad la iohi ruh ba ka la ban sa ia kawei pat ka kali, lehse kaba hap lang ha kajuh ka por.