Phah “Notice” ka Income Tax Department sha ki heh spah Khasi

Shillong, 11 Nailar:
Ka ophis jong ka Income Tax Department  jong ka sorkar pdeng ha kine ki khyndit sngi kiba la dep ka la phah ia notis,  sha baroh ki khasi kiba la niew ba ki long kiba riew spah.
Katkum ki notis, kiba la phah la bthah ia baroh kito kiba la ioh pdiang ia kine ki notis, na katei ka tnat sorkar pdeng kaba lum ia ka khajna ha kaba ia dei bad ka jingioh ka kot  na ka kamai ka jih  jong kito ki heh spah ba ki dei ban leit mih sha katei ka tnat sorkar.
Na ki notis, kiba u SP News Agency u la iohi na ki katto katne ngut ki heh spah kiba dei ki khasi na ka liang jong ka Income Tax Department ka la shim jingkhein tang ia kito kiba la thep pisa palat ia ka shiphew lak tyngka ha ka bank account jong ki.
Bun ka kito kiba la ioh pdiang ia kane ka notice na ka Income Tax Department,  ki la pynsngew ba ki la sngewlyngoh ba ki rit paid kim dei ban siew ia kane ka khajna na ka kamai kaba ki trei hynrei mynta kane ka notis, ka la wan na katei ka tnad  sorkar pdeng ia kaba ki la hap ban lei tai jubab ha katei ka tnad sorkar.
Lah ban punkynmaw ba ki rit paid kum ki khasi kiba ia ka kamai ka jih jong ki la iohi na ki jaka ba la ithuh ba ka dei ka jaka jong ki rit paid kim shym la siew ia kane ka khajna ha kine ki snem kiba la leitnoh  hynrei kane ka jingioh pdiang ia kane ka notis, na katei ka tnad sorkar pdeng kala buh ia kiba bun ha ka lyngngoh.(SP News)