Khlad ar ngut ki draibar, ba tynrah kali ha ar jaka

Shillong:Hynnin ka miet, kawei ka trok kit maw, kaba don ia u number ML 09 A 6145, ka la leit tynrah ia kawei pat ka trok bad ha ka jingjia, u nongniah, uba kyrteng U bah Wood starfing Syiemlieh, uba na Kpermasi, na sha thain Mawsynram, uba don 53 snem, ula khlad ha shen.

Ki pulit, ki shim, ba katei ka kali, kaba u niah, ka leit tynrah beit beit ia kawei pat ka trok; namar ba u nongniah, ula iap, da kaba shah sangah jur, ha kawei pat ka kali. Ki pulit, kim shym lap satia, ia katei ka kali kaba shah tynrah bad ka jingjia ka dei ha Nongshyrngan.

Mynta ka sngi pat, kawei ka kali alto kaba hiar na sha Laitlyngkot, kaba don ia u number ML 10C 3244, ka la leit tynrah ia kawei pat ka Mini truck, kaba wan na sha ka liang pyrshah; kaba don ia u number ML 07 B 9040. Katei ka jingjia, ka dei ha shnong Langkyrdem bad la iathuh ba ki don 4ngut ki nongleit jingleit kiba la mynsaw ha katei ka jingjia bad ki dei baroh kiba shong ha katei ka alto, katba kiba don ha ka trok, kim shym lei lei satia. U nongniah ka alto, ula khlad noh ha shen bad u dei uba don kumba 40 snem ka rta, tangba ym pat tip kyrteng satia, haduh ba thoh ia ka khubor, tangba, u dei uba na ka jaitbynriew Khasi.