Ha ka lyngkhuh sngi iap, U bah Reading; ai khusnam ia u nongdie khubor

Shillong:Ka lyngkhuh sngi iap, ba shisnem jong U bah Readington M Marwein, uba dei u nongseng jong ki kotkhubor U Mawphor bad Highland Post, la pynlong myn hynnin ka sngi, ha ka iing sah jongu, ha Mawiong Rim.

Ha ka jingrakhe, la don lang da ki nongialam jong ka Meghalaya Editors’ and Publishers’ Association (MEPA), ki nongialam ka Newspaper Hawkers and Vendors’ Association, kiba ha iing jong U bah Marwein, ki nongtrei U Mawphor bad Highland Post, ki nonghikai ka Mari Bon Marwein Memorial Secondary School, Umsning, ki lok ki jor bad kiwei de kiba iajan bad utei u rangbah.

Ha katei ka sngi, la ai burom ruh da ka Readington Memorial Award, ia U bah Devin Kharsyntiew, namar ka jingshakri jongu, ia ka kam die kotkhubor, naduh u snem 1964.