Shillong:Kum shi bynta ban ai ka jingsumar, kaba pura ia ki nong shnong shnong ha ka District, na ka liang ka Khasi Student Union (KSU) Jaintia hills unit ha ryngkat ki doctor, na ka Down Town Hospital Guwa hati, kin pynlong ia ka jingsam dawai ei Free Health Check-Up ha ka 11 tarik mynta u bnai naduh ka 9 baje mynstep haduh ka 2 baje janmiet ha Khlieh riat West Community Hall West Jaintia Hills District.
Ki doctor kiba dei ki specialist, ha ka liang ban sumar ia ki khyllung (Peadiatricts), ki doctor specialist ban ai jingsumar ia ka jingpang Cancer (Oncossurgery), ki Doctor ban ai jingsumar ia ki jingpang kynthei (Gynaecology ) bad ki doctor na ka bynta ki khmat, ka khmut bad ryndang (ENT) na ka Downtown Hospital kin don ha kane ka sngi ban ai ka jingshakri sha ki nongshong shnong ka ka thain.
Haba iathuh halor ka jinglong jingman jongki jaka sumar, ha kane ka districtm na ka liang u bah K.S Suchiang u General Secretary ka KSU East Jaintia Unit, u la iathuh ba kane ka District ka la don ia ka Civil hospital, hynrei ka long tang ka jingtei, hynrei kane ka hospital kam shem la don kano kano ka jingsumar, kaba pura lada ki paidbah ki ioh pang jur.
“Ka Civil Hospital ka la don ha Khliehriat, hynrei ha kane ka hospital, kam shem la don kino kino ki tiar ki tar kiba biang kum ka juk mynta ban ai ka jingsumar ia ki nongshong shnong, ngi don tang ka Hospital hynrei ka long ka ba suda”u la ong.
“Naduh ba ngi la ioh ia ka District, mynta la palat 10 snem, haba phai sha ka liang ka koit ka khiah, ngi diaw ka mynsiem, namar ba kam biang eiei. Ka PHC Umkiang ka dei ka PHC kaba la rim duh kaba la donkam ban kyntiew kyrdan noh bad kajuh ka PHC ha Pomra East Jaintia hills, da ki hajar ngut ki nongshong shnong ki la shu niom ha kane ka PHC bad la i donkam ia ka sorkar ba kan thaw sa kawei ka sub centre ha Rngad” u la bynrap.
“Haba phai sha ki Sub centre, hi bun ki bym don ia ki dawai bad kane ngi sngew ba ka sorkar ka la ieh khunswet ia ka District baroh kawei”la ong u bah Suchiang.
50 snem ladap ka Meghalaya hynrei dang duna Lut khamtm health dept Wat ka civil Shillong u specialist gastroenterologist. Urologist bad neurologist kam Don bun ki nongpang ki hap lt sumar shabar uba duk lei2 u shu iap ei. K media ki ladei bn pynpaw pyrthei ia kine ki jingduna