Hadien ka jingjia ha ki khyndiat sngi ba ladep, ba u kpa, u pyniap bein, ia ki arngut ki khun, ka wan ka mat kaba donkam bad kaba kongsan bha bad kata ka long, halor ka jing iadei ki shi tnga, ha ka shongkha shongman bad nangta ka wan sa ka mat, ba kumno ka jing ia mai shi tnga, kan pynlong ban ialeh kput ia kiwei pat, la ki dei ki briew ne ki tiar iing tiar sem ne wat ialade ruh.
Kane ka dei ka jingjia, kaba ju jia bha, ha kiba bun bah ki kam ia shongkha shongman, ha kaba na i daw iba rit duh, ka mih ka jing ia phet tnga, ka mih ka jing dih buaid, ka jing pyniap ialade, ka jingleh kput ia ki khun bad sa kiba bun bah ki jingjia kiba har rukom bad lah ruh ban ong, ba i daw jong ka jing iapher jingmut, im iahap satia bad ka jing iamai lane ka jing pyndik ialade.
Ka jingjot jong ka shongkha shongman U Khasi, ka dei eh, ha ka jingsngew hanga manga, ha kaba kam ju don ka jing ia pyndem shiliang shiliang bad kumta, na ka daw kaba rit eh, ka nang pynheh pynheh bad haba ka la nang klang ka ding jing ia bitar shi tnga, ka sa poi, sa ka jing ia lynthaw ia ki tiar ki tar bad u kpa bunsien, u ju khung la ki tum ki tam ban leit phai iam rem sha iing kur. Kane ka mat, kam dei shuh kaba rit, hynrei, haba peit na ka jingkhein, halor ka jingri khunrei ki kynthei, ka jing ia phet tnga ha ka Ri Khasi Jaintia jongngi, ka la donkam namarkata ban don ia ka kynhun ia syllok; ha kaba ki kynhun niam bapher, ki lah ban leh ia katei ka kam, lane ka tnat social welfare, ka dei ban shimti ia katei ka lyngkor, ban teh lakam, ia kane ka kam ia pra khiewja, kaba la jubor bha ha kine ki sngi.
Kam dei tang katta, hynrei kane ka mat, ka don ia ka bynta kaba iar bha bad ka sorkar jylla, ka la dei ban ai noh, da ka jing iarap pisa lane ka kynja jingsiew bnai sha ki longiing, ki bym donkam donjam, ba kin lah ban kyrshan ialade, ia la ki khun ki tnga; katba kim pat donkam; namar ba kawei na ki jingeh kaba khraw, ha kane ka juk kaba mynta, ka dei ka jing ia poi kha khynnah bad ba kim ia donkam donjam. Katei ka dei ka lad jing iarap kaba kham bha, lane kaba lah ban pyllait na ka jing ia phet tnga kaba khah khah bad katei kan myntoi shibun, ban ia kaba theh kai ia ka pisa paidbah, lyngba ki skhim, ki bym larkam haei haei ruh.
Ka dei shisha kata nga ruh nga shong kha hynrei dei lyngba Ka kiaw Ka pyn poi ia u Khun ba un ieh iaka Ka Lok bad ia u Khun nga kwah ban don Ka jingiarap ba uno2 u kpa u ba un ieh noh iaka Lok ki Khun u dei ban ai pynbiang Bai bam iaki kata ruh hap peit ioh lense dei naka kynthei ruh ba SA poi ia phet tang kata hi namar ngi ki kynthei ngim ban kamai kum u shynrang ngim lah ban pyn dap