Ka jing ia poi kha, ka ju dei ka kamram jong ki arngut ki briew, lada dei para kynthei lane lada dei u shynrang bad ka kynthei, hynrei ha kane ka kynti, ka Kshama Bindu, ka thei samla, kaba dang 24 snem ka rta, kaba na Vadodara, ka la rai ban iathoh shong kurim, dalade bad ialade hi.
Ka Kshama, kan ia poi kha, ha ka 11tarik Jylliew, 2022 bad ka dei ka samla graduate ha ka sobjek Sociology bad mynta ka trei, kum ka Senior Recruitment Officer ha kawei ka kompeni. U kpa jongka, u dei uba sah ha South Africa bad ka kmie jongka, ka sah ha Ahmedabad.
Ka jing pynkhreh ia ka jing ia poikha, ka la jan dep nadong shadong, ha kaba ka la thied ia ka lehenga na bynta katei ka jing iathoh bad ka da sam ruh ia ki shithi jingkhot sngewbha. Wat la ki kmie ki kpa jongka, kim sngew tynnad, ha kaba sdang, hynrei, hadien, ki la mynjur, ban ailad, ba kan iathoh dalade bad ialade hi.
La lah ban pyn kohnguh ruh ia u pandit, ba un pyndep ia ka jing iathoh shongkurim bad ka Kshama, kan iathoh dalade bad ialade hi, ha ka jingdon kiba ha iin bad ki paralok ba ka iajan bha, katba ki kmie ki kpa jongka, kin peit da ka video. Ka Kshama, kan leit kai pyngngad ruh, sha Goa, ynda ka la dep ia katei ka jingiathoh kaba marwei hi.
She did the right thing she felt
She may feel no body deserves her
It’s good for her
I can’t comment