Leit jngoh ki MCPC ia ka longiing, kaba la ngat ha ka apot sngewsih ha Sabuda

Nongpoh: Mynhynnin ka sngi, ki nongkitkam ka Mawhati Constituency Political Committee (MCPC), ki la leit ban sngewlem ia kawei ka longiing ha shnong Sabuda, kaba dei ka longiing kaba la mad ia ka jingjia kaba sngewsih ha kine ki khyndiat sngi, ha kaba ki la don arngut ki shipara, kiba la duh noh ia la ka jong ka jingim, hadien ba ki la shah tied shah bom ha uwei u briew uba don jingduna ha ka bor pyrkhat pyrdain.

Ia katei ka kam ban leit jngoh ha ryngkat ki jingai sngewbha kum ka jingai sngewlem sha katei ka longiing, ia ka MCPC la ialam da u bah Mathias Mynsong, Secretary ka MCPC, ha ryngkat ka jingdon kiwei ki nongkitkam, kiba kynthup ia u bah Korensius Manih, u bah Anan Mangu, u bah Alpin Sten lem bad kiwei. Lyngba katei ka sngi, kaba kitei ki nongkitkam ka MCPC, ki la lah ban leit jngoh bad ban leit sngewlem ia katei ka king, ki la lah ban noh synniang da ka pisa, u khaw sha katei ka longing ha Sabuda.