Ki shipai jong ka Russia, ki lah ban khyllem noh shen, ba ki iap haduh 30hajar ngut

Ki shipai Russia, kin lah ban khyllem ha kano kano ka por bad ka daw, ka long ba ka kynhun shipai baroh kawei, ka la duh ia bun bah ki shipai jongka, kiba la kot sha ka 30hajar ngut haduh ha kine ki sngi, ong ka kaiphod, kaba la ioh lum da ki shipai jong ka United Kingdom. Kat haduh mynta, U Vladimir Putin, President ka Russia, um da khein kor eh, ia katei ka jingiap jong ki shipai jongu, namar ba u shim, ba un lah ban jop ha ka jing ialeh thma pyrshah ia ka Ukraine.

Ha kine ki sngi, ka don ka jingtlot mynsiem kaba khraw ia ki shipai jong ka Russia, ong ka kotkhubor The Mirror, na katei ka jingjia, kaba la ktah shi katdei ia ka bor jong ki shipai jong katei ka ri.

Ki lad khubor jong ka Ukraine, ki kam ba ki la ioh ban pyniap haduh 30,350 ngut ki shipai Russia, naduh ka por ba sdang ia ka thma, ha ka 24tarik U Rymphang. Ym tang ki shipai, hynrei ka Russia, ka la duh ia shibun ki tup ki man, ki tiar ia siat ba khlain bor, ki liengsuin iapom nalor kiwei pat.