Nongpoh: Ha ka sngi kaba ki heh nongialam ka Bharatiya Janata Party (BJP), ki la leit ban pdiang ia u samla Evarist Marsing sha ka Party ha shnong Tyrso bad kiba la pynbna syndon ia u, ba un long kum u kyrtong ka Party na bynta ka Ilekshon 2023 na Mawhati Constituency, ki heh nongialam ka BJP hapoh ka jylla, ki la kyntu ia ki paid ka Mawhati, ba kin sangeh noh ka jied ia kiwei ki party, kiba dang hap leit khrong na ka BJP ha Delhi, hynrei lah bna jied beit ia ka BJP, ba ki kam pynroi kin wan puk puk bad ka ban long ka jingmyntoi ia ki paidbah ha ka jylla hi baroh kawei.
Ha katei ka sngi, nalor kaba pdiang bad pynbna ba u samla Evarist Marsing, la iohi ba ki la don shibun ngut ki nongkyrshan u samla Evarist Marsing, kiba la leit ban pyniasoh ialade sha ka BJP bad kiba la shim ia ka rai ba kin kyrshan tyngeh ia utei u samla ha kane ka Ilekshon 2023 na Mawhati.
Kiba la donlang ha katei ka sngi, kaba la pdiang ia u samla Evarist Marsing sha ka BJP, ki kynthup naduh u bah Earnest Mawrie, President ka BJP hapoh ka jylla, nangta u bah Sanbor Shullai lem bad shibun ngut ki heh nongialam ka BJP hapoh ka jylla lem bad kiba na Ri Bhoi ruh kumjuh.
Haba kren sha ki paidbah ha katei ka sngi, u bah Earnest Mawrie bad u bah Sanbor Shullai, ki la kyntu ia ki paidbah katei ka thain, ba kin jied noh ia u samla Evarist Marsing ha kane ka kynti kaba mynta, namar ki sngew ba u dei u briew uba la paw pyrthei bha ha ki kam shakri paidbah bad uba dei u briew uba don ia kata ka sap ban long kum uta u nongialam.
Kiwei ki Party hapoh ka jylla, kim don daw da kumwei ban pynnnoh ia ka BJP, hynrei ki shu ialam khana lamler ban pynsngewthuh bakla ia ki paidbah, da kaba ong lada ki kyrshan ia ka BJP, kan sa wanrah jingma ia ki Khristan, hynrei katei ka dei ka jingkynnoh ka bym don nongrim haei haei ruh em, la pynshai ki nongialam ka BJP hapoh ka jylla.
Namarkata, na ka liang kitei ki nongialam ka BJP, ki la kyntu ia ki paidbah ka Mawhati, ba ha kane ka kynti kaba mynta, kim dei ban bakla shuh, hynrei ki dei ban kyrshan beit ia u samla Evarist Myrsing, uba dei u samla na katei hi ka thain, khnang ba kin sa iohi ia ka jingkylla hapoh ka Mawhati Constituency.
Lada ioh Synshar BJP wat u shanbor, Bah hek kin duh ticket lada kim pyniasoh RSS bad u RSS um lah ban long lada um long naka niam hindu lane shah hikai haka niam hindu………..leit shapoh assam klli naki MDC ban iakhun mnta..
Lah dei ianga ia phi ba ym nym Jied ia u Wei ruh u m.l.a kine ki m.l.a ki pynlong langkñia iaka jait bynriew khasi pnar baroh ka Wei wat nym biet iakine ki blei San snem kine hi ki nong die ri die jaitbynriew baroh ki ne ki m.l.a ki dei ba lah dep Shah thied na ki jaitbynriew bengoli