Ka cancer, ka dei ka jingpang, kaba mih na bun ki daw, pynphai ktien U Pastor, ia U bah Sanbor Shullai

Shillong:Ka jingkren U Bah Sanbor Shullai, MLA ka South Shillong, ha kaba u ong ba kiba bam ia ka pisa tuh, kin ioh jingpang cancer, TB; ka la pyn long ia U Pastor Kyrsoi bor Pyrtuh, ba un sngew pyrshah halor katei ka jingkren.

Ha ka jingthoh jong U Pastor Pyrtuh, ula ong “Dear Bah Sanbor Shullai – Ka kam bamsap, kamtuh, kam thiem, kam thok, kam shukor ne kam pyniap briew, ka dei ka kam beain na ka kam runar (criminal act), kaba donkam ban tohkit bad pynshitom kat kum ka ain. Katba ka cancer, ka dei ka jingpang (medical condition), kaba mih na kiba bun ki daw, ym dei kumba phi kynnoh ne kynthoh kumne bad kiba pang cancer, ki don ka hok ban ioh jingsumar” ong U Pastor Pyrtuh, uba la ioh ia ka jingpang cancer ialade.