Ia kren u Conrad bad u Himanta, ba shah leh tohmet ki paidbah ha Mallangkona

Shillong:U Myntri Rangbah ka jylla u Conrad Sangma, mynhynnin ka sngi u la pyntip ba na ka liang jong u, u la ïakren bad u Myntri Rangbah ka jylla Assam halor ka jingshah tied shah bom bad ka jingshah rah arngut ki nongshong shnong ka Mallangkona ha ki pulit Assam.

Haba kren sha ki lad pathai khubor hadien ba la wai ka jingialang ka kynhun myntri u Conrad Sanagma u la hukum ia ki pulit ka jylla ba kin pynlong da ka jingtohkit halor kane ka jingjia. Shuh shuh u la ïathuh ba u MR ka Assam u la kular ban ai jingbthah sha u SP bad ki pulit jong ka Goalpara District ba kum kine kiei kiei kim dei ban jia biang.

Kum ban shu pynkynmaw hangne ba dang mynta ka taïew ki pulit Assam ki la wan sha ka shnong Mallangkona ban pynsahngeh ïa ka jingtei ki nongshong shnong ïa ka kudam bad ki shoh ki bom naphang bad ha kane ka jingleh tohmet ki pulit Assam ka la pynmynsaw ïa ki 6 ngut ki rangbah bad 3 ngut ki longkmie.