Kyntait u Myntri Rangbah ban hiar shuki, halor ka jingkhyllem u mot pyllun ka ïing dorbar thaw aiñ

Shillong: U Myntri Rangbah ka jylla u Conrad Sangma mynta ka sngi u la kyntait ban hiar shuki kum ka jingshim jingkit khlieh ne moral responsibility halor ka jingkhyllem u mot pyllun ka ïing dorbar thaw aiñ ka jylla ha ka step phyrngap jong ka sngi u Blei.

Haba jubab ïa ka jingkylli, ba la un shim ne em ïa ka jingkit khlieh, halor kane ka apot na ka liang jong u u la ong kane ka shong ha ka kynhun synrop ban rai la u dei ban hiar shuki ne ban dang neh, namar dei ma ki, kiba jied ïa u ruh ban long u Myntri Rangbah ka jylla.