Shillong: Ka jingïalang ka High Power Committee (HPC) kaba la ïa shim bynta da u Lamphang ka ka ïing dorbar thaw aiñ ka jylla u Bah Metbah Lyngdoh, u Myntri Rangbah u Conrad Sangma, u Myntri ka tnad PWD Building u Bah Dasakhiat Lamare, u Nongïalam ka liang pyrshah u Dr Mukul Sangma bad kiwei de bad ha kane ka jingïalang kaba la long mynta ka sngi ha Assembly, ka la rai ban thung da ka kynhun tohkit ban tih bniah ïa ki daw ba pynlong ïa ka jingkhyllem u mot pyllun bad ruh ïa ka jinglong jingman ka left wing, ka right wing, ka kamra u Lamphang, ka kamra u Myntri Rangbah bad ïa ka mala ba ha khrum jong kane ka ïing paki. Ïa kane ka jingtohkit ka HPC ka la rai ban aiti ha ka IIT kaba lah ban dei ka IIT Delhi, IIT Guwahati ne IIT Kolkata.
Shuh shuh ka HPC ka la rai ban pynsahngeh shipor ïa ka jingtrei ïa ka assembly tad haduh ba ka jingtohkit ka la dep pura bad la rai ruh ban ym shah ban pynkhuid ïa ki tiar tei kiba hap ha madan tad ynda la dep pynlong ïa ka jingtohkit.
Shuh shuh ka HPC ka la rai ban ym shah shuh ïano ïano ban leit rung ha ka paki thymmai jong ka ïing dorbar thaw aiñ ka jylla, namar ïoh jia kano kano ka jingmynsaw ïa ki bad ruh la rai ban sop ïa kane ka ïing khnang ban ym don kano kano ka jingjaw um.
Haba jubab pat la ka HPC, ka la rai ne em ban shim kino kino ki sienjam ïa u contractor ba tei ïa kane ka paki thymmai ka ïing dorbar na ka liang u Lamphang, u la ong ba ka dang kloi than, dei tad ynda la dep ka jingtohkit bad la lap na ka daw aiu ba ka khyllem yn lah ban shim ïa ka sienjam, ong u Lamphang.
Ha kaba ïadei pat ba ka jingaiti pateng ban trei ne sub-contract, la ki don ne em ki kyndon ha ka tender bad ka soskular ba la ïasoi, na ka liang u Lamphang u ong, ba um tip eiei ïa kane ka kam, namar ïa kane hi ka kam la peit da ka tnad PWD Building jong ka sorkar. Katba na ka liang u Myntri ba bat ïa ka tnad PWD Building u Bah Dasakhiat Lamare u la ïathuh ba kat kum ki kyndon, la shah ba yn aiti pateng ban pyntrei haduh 40% bad dei na kata ka daw ba la ai pateng ïa ka ban tei ïa kane ka paki thymmai.
Kumba bet kumta ruh ngin ot ong ka ktien u Blei.
Paitbah: ISBT ruh pei um, jingking mawlai bypass ruh ka ngam sha poh, ka khlieh pyllon jong ka Assambly ruh ka kyllon shwa ban pyndonkam . Balei sir ka jia kumne ???
Sorkar: ba slap palat phi, la mang kyrpang tang na ka bynta por tlang
Yn tohkit au shuh ladep pra bd LA khlemrain. Ki engeener Khasi pass online ba triem tang ka theory bad dawa percentage na ki contractor.