Chandigarh: U Bhagwant Mann, myntri rangbah ka Punjab, ula leh da kaba tyngeh mynta ka sngi, ia u myntri jong ka tnat ka koit ka khiah, uba pan baisha, kaba shi percent, na kaba pynioh tender ia kito kiba thep kam, na katei ka tnat.
U Mann, ula weng ia u Vijay Singla, myntri ka koit ka khiah ka sorkar Punjab, na ka daw, ba u pan bai sha, kaba tang shi percent, na ki tender, kiba thep kam ha katei ka jaka. Mar ia hiar shuki, la kem ia U Singla, da ki pulit kiba tohkit, halor ki kam bamsap ha ka jylla.
U Mann, ula ioh jingtip, halor katei ka jingjia, la shiphew sngi mynshwa bad ula shim ia katei ka rai, hadien ka jingwat jingtip, kaba thikna bha jongu.
La iathuh ba uwei u heh sorkar, jong katei ka tnat; ula ujor sha u myntri rangbah, halor katei ka jingjia. Mar kumta, U Mann, ula iaid shakhmat ban riam, ia utei u myntri ka koit ka khoit bad mar kumta, la record ia ki jingiakren, ha kaba la pynshisha, ba utei u myntri, u dawa ia ka shi percent.
“Wat tang shi percent ruh, yn nym lah satia ban shah” ong U Mann, haba kren ha ka video mynta ka sngi. “U paidlang, ka Punjab, ula jied ia ka seng AAP, da ka jingkhmih lynti, ia kaba bha bad ngi dei ban long kumta. Haba ka India, ka la pynmih ia ki khun jongka, kum U Arvind Kejriwal bad u shipai kumu a Bhagwant Mann, kumta ka jingialeh pyrshah ia ka bamsap kan iaid shakhmat” ula ong. U Mann, u kam ruh, ba U Singla, ula phla dalade, halor katei ka jing dawa pisa jongu, na ki nongthep tender.
Ha Meghalaya na Duh CM haduh u fourth grade ki ia im bn khwan bamsap na ki paidbah. Ki nongtrei ophis ha rural area 1 pm nang khreh mih trei hato kane kam dei ka bamsap