Phasi u suba nongtuh, ha along ki pulit

Jowai, 4 Nailar:
Uwei u briew u ba la shah kem ha ki pulit halor ka jingshah suba ba u la donkti ban kyndang iing bad rongtuh ia ki mar remdor na kawei ka iing ha Mission Compound Jowai (Pohskur) u la phasi ia lade hapoh ka along ki pulit ha Jowai mynta ka meit.
Utei u briew udei uba la tip kyrteng kum u Cleofast Nongkhlaw (30) u
la shah kem mynta ka shiteng sngi bad haba ki pulit ki la thep ia u
hapoh along ha ka por kumba 7:45 pm eiei u la dkhat noh syndon ia ka
jingim jong u hapoh katei ka along da kaba phasi ia lade.
Utei u suba nongtuh u la pyndonkam da ka sopti banian ban teh ha
ryndang ban phasi ia lade.
Mar synjia kane ka jingjia, ki heh pulit bad heh District naduh u
Deputy Commissioner, SP, Addl. SP bad Dy. SP nalor kiwei de ki
Majistor ki la wan poi ha Jowai Police Station ban pyndep ia ki
jingdonkam katkum ka ain.