Pyrshah ai wai tongdoh ha wah Umngot

Shillong, 3 Nailar:
Ki khlieh nongsyn shar jong ka Synjuk ki Saw shnong kata Darrang, Lymba,Kongwang,bad Dawki hadien ba la ioh pdiang ia ka jingthoh na ka shithi No.JHADC/MASF/10/2013/81 dated Jowai,14 tarik u naitung, kata ka jingthoh ka long halor ban die wai tongdoh ia ka Wah Umngot. Na ka liang ka Synjuk ki Saw shnong kin dang iai pyrshah katkum ka jing thoh kaba la dep ban thoh sha u Special Officer kata ha ka shithi No.date 14/4/2015,8/7/2014 bad 2/9/2014 bad ha kane ka shithi kin dang sakhi ba kin dang ieng ban iai dawa ban pyrshah ia ka jingdiewai tongdoh ha kane ka wah.
Na ka liang ka Synjuk ki Saw shnong ka la shim khia ia ki lad ki lynti ban iada ia kane ka Wah ha shilynter bad ki la mana ban tongjar ne tyndung da ki proh namar kine ki pynduh jait ia ki dohum kiba don hangne ha wah jong ki.
Kin dang trei shitom ban iada ia ka Wah la kan long ha kano kano ka porn a ka bynta ka jingbit jingbiang u kup shiliang u sem shiliang uba im ja sngi ha kane ka thain jong ngi. Te namar kata ka Synjuk kan iai dawa ban pynneh beit ia ka jingdawa tad haduh ba kan urlong, ong ka kyrwoh na u bah KMRyngksai.