Shillong: Ka seng A·chik Holistic Awakening Movement (AHAM) kaba dei ka seng bhalang na rilum Garo mynta ka sngi ka la ai khublei siat pharshi ïa ki samla Khasi da kaba ka thew sha ka seng Hynñiewtrep Integrated Terrestrial Organization (HITO). Kane ka jingai khublei siat pharshi ka AHAM ïa ka HITO ka long hadien ba ka HITO ka ka kam ba ka don ka jingïoh bhah shiliang tang ki Garo ban leit pule pyntbit ha ka kam hikai skul ne ka B.Ed ha Rangkhon, Tura.
Ha ka kyrwoh sha ki lad pathai khubor ba na ka liang ka AHAM ka la ong ba ka jingleh ka HITO ka dei kumba plie ïa ka synduk Pandora ha kaba ïadei bad ka bhah mar katjuh ha ka thung kam thung jam bad ka bhah ïoh pule ha ki tnad sorkar bad ki jaka pule.
Ka AHAM ka la ong ruh ba ka seng kan bud dien ban pyntikna ba ka jingïoh rung pule ki samla Garo ha ki jaka pule ha PGT bad ki B.Ed College ha Shillong bad Jowai kan long mar katjuh bad ka jingïoh rung ki samla Khasi bad ka la ong ruh kan leh kumjuh ha NEHU, Shillong Campus.
Ka AHAM ka la ong ruh ba ka jingïoh rung ki samla pule Garo ka duna bha ha ki jaka pule ka sorkar kiba don ha Khasi bad Jaintia Hills bad kane hi ka long ka jingïuhroit ïa ki bad ka la byrngem ruh ban bud dien bha ïa kane ban pynthikna ba ki Garo kin ïoh ïa ka bhah kumba ki dei hok.
Ka AHAM ka la ong ruh ba ka la bthah ïa ka tnad treikam jong ka kaba dei peit ïa ka RTI ba kan wad jingtip na ki tnad sorkar halor kane ka bynta bad ban pynthikna ba ka jingïohnong ki Garo kan long kumba ki dei hok bad ki la ong ruh ha ka kyrwoh ba ki long kiba la kloi ban tied jingkhang sha ïing kashari lada ka kam ka dawa ban pynthikna ba ki Garo ki ïoh jingmyntoi lang kumba ïoh ki Khasi na ka Reservation Policy.
Garo te kum u dkhar hi ka buit shikpoh , ladei ban khlad jylla noh la ka jong khasi Jaintia bad Garo marwei
Um don ka political will bad haduh da iap kane ka pyrthei ruh ngi nym iohi ia kata namar u Nongmihkhmat bad sengbhlang ki bunkam shawei.