Ba la pyut ki tiar ka MeECL, meh ding tang shiphew minit ha Tamabil Dawki

Shillong: Ki nongshong shnong jong ka khappud Tamabil dawki bad ki shnong kiba marjan, ki la mad ia ka jingshem lanot la jan dap 2 bnai mynta bad katei ka dei, na ka daw, ba kam ju meh thikna ka ding ilektrik bad kumta ki im, da kaba thang mombati ne torch light.

Ki nongshong shnong, ki iathuh ba ka jingmeh ding, kan dei tang san shiphew minit bad hangta yn sa pynlip noh bad haba ia kren bad ki lineman ki ong ba la rim bad pyut ki tiar ki tar, ym lah leh ei ei shuh. Ki nongshong shnong, ki sngew phylla pat ka bill light ka poi thik thik bad la kynnoh ruh ba ki don sa shibun, kiba ioh ding, da kaba pyndait beain sha katei ka thain.