Ther jur u slap ha Sohra, ha ki ar sngi kynthih

Shillong: Ka jinghap slap, ka jubor bha ha Sohra, hynnin ka sngi bad mynta ka sngi ruh kumjuh.

Hynnin ka sngi, ka jinghap slap ha Sohra, ka long 212.6 milimetre, katba mynta ka sngi, ka long 104.8mm. Ha Shillong, ka jinghap slap, hynnin ka sngi, ka long 43.3mm, katba mynta ka sngi, ka long 111.5mm bad ha Umiam, hynnin ka sngi, ka long 20.4 bad mynta ka sngi, ka long 41.4mm.

Lashai ka sngi, kan don ka jinghap slap kaba jur bad kaba jur bha ha ki bynta jong ka jylla, ong shuh shuh ka khubor jong ka tnat peit mariang ka sorkar India, ka India Meteorological Department, Shillong.