Ha u Naiwieng, pynlong biang ia ka Tamasa Mawphlang

Shillong,3 Nailar:
U CEM ka KHADC u bah Pynshngain N syiem u la ong ba ka Council ka don ka jingthmu ban pynlong ia ka sien kaba ar jong ka tamasa Monolith ha Mawphlang ha u nai wieng mynta u snem, “Shen ngin pynkhreh na ka bynta ban pynlong biang ia ka Monolith mynta u snem bad shen ngin leit jngoh ia katei ka shnong tynrai ha Maw phlang” ong u ba Pyn shngain N Syiem. Katba u bah Antonio War pat u la ong ba katei ka shnong Tynrai ka la sah khlem don nongpeit nongsumar naba ka EC jong ka ARPA ka la pynduh pyndam noh ia ka Khasi Heritage Management Committee (KHMC).
U bah Allan West Kharkongor u Secretary jong ka Khasi Heritage Conservation Forum ( KHCF) u la ong ba ki dkhot jong katei ka Forum ki khmih lynti ba ka KHADC kan dang pynlong biang ia katei ka tamasa bad mynta u la ong ba la shai lut baroh ki jingartatien ba ka Forum kam shym la don bynta ban pyntreikam ia ka KHV hynrei ka dei tang ka nongiarap ia ka Council ban pynlong ia ka tamasa, “Katei tang ka jingsngewthuh bakla ia ka tamasa bad ka shnong tynrai ( KHV) bad kitei kim don jingiadei eiei. U la ong ba ha ka jingpynlong tamasa Monolith ha u 2013 ka jinglut baroh ba la pynlut ka long T.68,68,375 tyngka hynrei kaba la mang pat ka dei T.97 lak tyngka, “Ngi kmen ba ngi pynlut duna ban ia kaba la mang” ong u bah Allan West Kharkongor.