Saw bnai, ailad ka NGT ban khaii dewiong biang

Jowai, 31 Naitung:
Ka National Green Tribunal (NGT) ha ka jingbishar mynta ka sngi ha ka Nongbah Delhi ka la rai ban pyllait biang ban shallan ia u dewiong tad haduh u Naiwieng (November) 30 tarik.
Katei ka rai jong ka NGT ka la hukum ruh ia ka sorkar jylla ban pynbiang ia ka State Mining Management Plan bad ka Mining Policy ha ka jingbishar kaba la buh ha 29 bad 30 tarik u Nai wieng ha ka nongbah Shillong.
Kane ka rai ka dei kaba khadduh jong ka NGT na ka bynta ban ailad ia ki trai par dewiong ban shallan ia u dewiong uba la dep tih. Katba ha kaba iadei bad ka jingtih dewiong, ka NGT kan bishar kyrpang ha ka 29 bad 30 tarik u Naiwieng.
“Ka NGT ka la kren shai ba kan nym shah satia ban tih dewiong tad haduh