La 1 taiew tam, jah u rangbah na Pahamsyiem ha khlaw Nongkhyllem

Nongpoh: Uwei u rangbah uba la 32 snem ka rta na ka shnong Pahamsyiem, la ong ba u la jah rngai hapoh ka khlaw Nongkhyllem Wildlife Sanctuary ha ka por ba u leit ban khwai doh hapoh katei ka khlaw lem bad ki paralok jong u.

Katei ka jingjia ba jah utei u rangbah, ka la jia ha ka 30 tarik u Iaiong, ha kaba ma u lem bad arngut ki paralok jong u, ki la leit ban khwai hapoh kawei ka Wah kaba don ha khlaw Nongkhyllem, hynrei ha kaba kum katei hi ka por, utei u rangbah u la jah rngai kynsan bad khelm da tip shuh shano u don.

Kitei ki arngut ki paralok jong u, ki la pyrshang ban wad ia u, hynrei haba ki lap shuh, ki sa pyntip sha ki ba haiing utei u rangbad bad sha ki bor ka shnong Pahamsyiem ruh kumjuh.

Haba la tip paidbah halor ka jingjah utei u rangbah, ka la don ka jingmih paidbah ban leit wad ia utei u rangbah, hynrei haduh ba la thoh ia kane ka khubor, la ong ba ym pat lap satia shano u don.