Iarap pisa ka HNYF ia u samla na Ri Bhoi uba shah jied ban mihkhmat na ka Indian Blind Football ban iakhun sha England

Nongpoh: Ka HNYF na Ri Bhoi, ka la aiti da ka song pisa sha u Samla Gabriel Nongrum, u samla uba don jingduna ha ki khmat, hynrei uba la shah jied ha ka Indian Blind Football Team ban leit iakhun sha ka jingiakhun sha England.

Ia ka song pisa kaba la iarap da ka HNYF sha utei u samla, la aiti da u bah Marcus Marten, President ka HNYF NR, ha kaba u la ong ba ka daw kaba la pynlong ia ka seng ba kan shim ia katei ka sienjam ban iarap ia utei u samla, ka long kum shibynta ban kner lem ki jingiarap sha utei u samla, uba la shah jied na ka kynhun ialehkai ka ri ba un mihkhmat lyngba ka Indian Blind Football Team ban leit iakhun ha ka jingialehkai phutbol sha England.