Palat hajar ngut, poi ki samla ha ka prokram ai jinghikai ban ïakhun ïa ki eksamin wad kam

Shillong: Ka ophis jong ka Deputy Commissioner East Khasi Hills ka la pynlong ïa ka prokram ai jinghikai ïa ki samla kumno ba kin pynkhreh ha ka ban ïakhun ïa ki eksamin ban long ophisar (civil service examination) ha St Anthony’s College, Shillong.

Ha kane ka sngi la ai jinghikai na u Ophisar ka sorkar jylla u Bah K.T Nongsteng, MCS uba dei ruh u BDO ka Mawphlang. Ha ka jinghikai jong u, u la ai buit kumno ban pynkhreh ban ïakhun ïa kane ka eksamin khamtam eh jong ka MCS bad MPS.