Uwei u bateri, sha ar tylli ki network, lap ka HYC

Shillong: Ka jingleh torti jong ka company jio, ka la long shaba palat bad mynta ka sngi ka seng HYC Amlarem unit ka la lap ia ki kor ki bor ba pyndonkam ha u tower jong ka Jio ba ki bun hi kiba la sniew noh bad la shu ieh kumto, khlem pynshna shuh kaba la pynlong ban duh network khah khah ha Amlarem subdivision.

Ka seng ruh ka la lap ba u don uwei u battery ba la pyndonkam da artylli ki company kata ka jio bad airtel kaba la pynlong ia kine ki network ban tlot shuh shuh namar don tang uwei hi u battery, bad um la ban kit ia baroh ar ki network; khamtam ka jio tang shu lip ka light ka network ruh ka la jahnoh, da ka jing thut ka network ka la ktah shibun ia ki briew ka Amlarem subdivision bad baroh kawei bad khamtam eh ka ktah wat ia ki bank ki hospital bad ki office bapher bapher kiba don hapoh ka Amlarem subdivision kiba pyndonkam network lajan man ka sngi.

Kumta na ka liang ka seng ka dawa ba ka company jio, kan maramot noh shisyndon ia ki kor ki bor kiba la duhnoh bad pyndonkam noh la u jong ka battery, khnang ba ka network kan nym pynthut shuh nangne sha khmat.