Ki samla pule, ki bym pule, ha ki kolej, ba la ithuh da ka sorkar India, kim donkam ban thoh CUET

Shillong: Mynta ka janmiet U Conrad Sangma, myntri rangbah ka jylla, ula thoh ha ka twitter, ba U Dharmendra Pradhan, u myntri ka pule puthi ka sorkar India, ula pdiang ia ka jingai jingmut jong ka sorkar jylla, ban pyllait shwa ia ki kolej, ki bym shym la bei pisa, da ka sorkar India bad kumjuh ia ki kolej, kiba pyniaid da ka sorkar jylla bad kiba pyniaid da ki riew shimet, na kaba ialeh ia ia eksamin CUET bad U Sangma, u shim, ba kane ka la pynduh noh, ia ka jingsngewkhia jong kiba bun ki samla pule ha ka jylla.

Ha kawei pat ka liang, u Myntri ka tnad pule puthi mynta ka sngi u la pyntip ba hadien ka jingïakynduh jong u Myntri Rangbah ka jylla bad ki ophisar sorkar pdeng ban pan jingpynshai halor ka CUET.

Hadien ka jingïakynduh na ka liang u Ma Lahkmen Rymbui u la ïathuh ba na ka liang ki ophisar ki la ïathuh ba na ka liang ka tnad pule dangle ka sorkar pdeng ka la ïathuh ba ki khynnah kiba kwah ban pule ha ki kolej ba pynïasoh (affiliated colleges) bad ki skul bah ka sorkar pdeng kim donkam satia ban pyndep ïa ka CUET, hynrei tang kiba thmu ban pule ha ki skul bah, ïathuh u Ma Lahkmen Rymbui.