Nongpoh: Ki kni lem bad ki rangbah jong ka Kur Khymdeit ha Ri Bhoi, hynnin ka sngi Saitjain, ki la leit ban thungdieng ha kawei ka Law Kyntang jong ka Kur kaba don hapoh ka shnong Umkon, Ri Bhoi District.
Ha katei ka sngi, kaba kitei ki rangbah ka Kur Khymdeit ki la leit ban thungdieng hapoh katei ka Law Kyntang, la ialam da u bah Donbok Khymdeit, kni ka kur Khymdeit, nangta u bah Flying Khymdeit, President, u bah Sterin Khymdeit lem bad shibun kiwei pat. Haba iadei bad katei ka jingleit ban thungdieng hapoh katei ka Law Kyntang, ki rangbah ka Kur Khymdeit, ki la ong ba katei ka kam thungdieng jong ki, ka long kum shibynta ban pynneh pynsah ia ki khlaw ki btap bad khamtam eh haba iadei bad katei ka Law Kyntang jong ka Kur.
Ka Kur Khymdeit, ka ai ia ka jingkhublei kaba kyrpang eh ia u DFO Social Forestry, Nongpoh, namar ba u la lah ban ai sngewbha haduh 400 tylli ki tynrai dieng bad kaba ka Kur Khymdeit ka la ioh ban leit thung ha katei ka Law kyntang.
Ngi donkam shisha kum kine ki ‘riew rangbah kiba pyrkhat ia ka lawei bad kiba shim ia ka sien jam kaba bha eh ban pynneh pynsah ia ka mei-mariang bad ka khlaw ba kyntang ba la buh da u long-shuwa man-shuwa jong ngi.
Nang iaid shaphrang Kur Khymdeit