Ioh sem ap kali ka shnong Iewmawlong, ba iarap ka NTC

Nongpoh: U bah Jason S. Mawlong, MLA ka Umsning Constituency, u la leit ban plie paidbah ia ka sem ap kali (Passenger Shed), kaba don ha shnong Iewmawlong, ia kaba la tei da Nongpoh Town Committee lyngba ka Grand In Aid Scheme jong ka Urban Affairs ha ka jinglut kaba la poi kumba T. 2 lah tam.

Kiba la donlang ha katei ka sngi, ki kynthup ia u bah S. Langstieh Engineer ka tnad Urban Affairs, nangta u bah Rayonald Kharkamni Secretary ka NTC, u bah Vicky Syngkli Rangbah Shnong ka Iewmawlong lem bad kiwei.