Ha Umsning, pdiang ka HSPDP ki riew rangbah kiba kwah rung sha ka Party

Nongpoh: Ka la don ka jingialang jong ka Party HSPDP ha Umsning Auditorium Hall bad katei ka jingialang, ka dei ban pdiang ia ki katto katne ki riew kiba la pyniasoh ialade ia ka HSPDP, kaba long ruh kum shibynta ban pynkhlain ia ka Party na ka bynta u snem 2023.

Ia kitei ki riew rangbah kiba la pyniasoh ialade sha ka HSPDP, la wan ban pdiang da u bah KP Pangniang President ka HSPDP, ha ryngkat ka jingdon u samla Sandondor Ryntathiang, President Youth Wing ka jylla, u bah PB Sylliang President ka HSPDP Ri-Bhoi, u bah Khraw Marwein General Secretary lem bad shibun kiwei pat.