Pynpra ka shnong Umlaper, ia ka jingtei kynroh beain ka karkhana dewbilat

Khliehriat: Ki paidbah ka Shnong Umlaper, ki la ia mih mynta ka sngi ban leit pynpra syndon ia ka kynroh ba la kynroh da ka Amrit Cement kaba hap hapoh ka Shnong Umlaper East Jaintia Hills, Elaka Rymbai.

Ka jing leit pynpra ia katei ka kynroh, ka dei namar ba katei ka Company ka la khang ia kawei ka lynti shnong kaba hap iaid napoh ka Company. Na ka liang jong ka Shnong ki la dep ai da ka jingthoh sha ka Company ha kaba iadei katei ka kynroh, hynrei ka Company kam sngap.

Hadien ba ka Company kam sngap, na ka liang ki paidbah kim banse ban pyni da ka kam. Haba iadei bad katei ka jingleh ka Amrit Cement, na ka liang ka seng FKJGP-EAST JAINTIA HILLS ryngkat bad ka FKJGP-Khliehriat Circle, ki pynrem jur ia ka jingkhang ka Company, ia ki lynti kiba la don lypa naduh mynbarim ia kaba ki paidbah ki juh pyndonkam. Na ka liang ka seng ki wan ai jing kyrshan ba pura ia ki nongshong shnong ka Umlaper mynta ka sngi bad ka seng ka maham ruh ia katei ka Company ba kam dei shuh ban khang nangne shakhmat iaki lynti jong ki paidbah.