Kem ding kynsan ka trok kit dewbilat ha surok NH-37

Nongpoh: Kawei ka trok kit dewbilat kaba don ia u number 𝙰𝚂-01-𝙽𝙲-7841, kaba mih na ki thain 𝙹𝚊𝚐𝚒𝚛𝚘𝚊𝚍, ka la kemding kynsan haba ka la poi ha ki bynta ka thain 11mer bad na katei ka jingkem ding kynsan katei ka trok, ka la pynkulmar shipor ia ki paidbah nongleit nongwan ha katei ka surok.

La ong ba katei ka trok kit dewbilat, kaba mih na Jagiraod ka thmu ban leit pynhap sha 𝙲𝚑𝚊𝚗𝚐𝚛𝚊𝚜𝚒, hynrei haba la poi ha katei ka jaka, katei ka trok ka la kem ding kynsan bad kaba la wanrah ia ka jingjulor kaba bun eh ia katei ka trok.

Tang mar ia tip halor katei ka jingkem ding kynsan katei ka trok, ki pulit pynlip ding ki la leit mar mar sha katei ka jaka bad kiba la ioh ban pynlip noh ia katei ka ding, kaba la pynlait ruh ia katei ka trok ba kan lait na kaba shah bam duh ha katei ka jingjia kem ding kynsan. Ha katei ka jingjia ym shym la don kano kano ka jingjia ba sngewsih ne mynsaw briew, namar wat u nongniah bad nongbud jong katei ka trok, ki la ioh ban kynthih tang mar ia iohi ba ka kali kaba ki shong ka la kem ding kynsan.