Trei ka khlam sniang ha Umshorshor, teh kyndon ka sorkar Jylla

Shillong: Ka tnat ri jingri jong ka sorkar jylla, ka pynbna, ba ka shnong Umshorshor, kaba don ha Umsning Block, ka dei ka shnong, kaba ka khlam sniang lane ka African Swine Fever Disease, ka trei jubor bha, ha kine ki sngi.

Katei ka dei, hadien ka jinglap ia ka jing eksamin, ia ki sniang, lyngba ka North Eastern Regional Diseases Diagnostic Laboratory, Animal Husbandry & Veterinary Department, Khanapara, Guwahati, kaba la pynthikna, ia ka jingdon jong ka khlam sniang ha ka jylla Meghalaya.

Lyngba katei ka jinglap, la khang ban kit ia ki sniang, na katei ka shnong, lane, na ka jaka, kaba kynthup haduh 10 kilometre, ka jingjngai, ban leit shoh doh lane ban kit sha kiwei ki shnong kiba don shabar jong katei ka thain.