Buh kyndon ki Harijan ïa ka sorkar ban kynriah na Them Ïewmawlong

Shillong: Ka jingïalang kaba la long mynta ka sngi ha Secretariat ban ïakren bad ïatai ha kaba ïadei bad ka jingpynkynriah ïa ki Harijan kiba sah ha Them Ïew Mawlong hapdeng ka sorkar bad ki nongmihkhmat jong ka Harijan Panchayat Commitee (HPC).

Kane ka jingïalang kam pat lah ban shimrai khatduh namar ka jingbuh kyndon da ki nongmihkhmat ka HPC kata ban ai pynsah beit ïa ki 300 tam ki longïing tang ha kawei ka jaka bad ba ka jaka kaba ka sorkar ka dei ban ai ka dei ban long ka jaka sorkar ne Revenue Land.