Shah pynliem ka Meghalaya, ha ka Punjab, ha ka ialehkai Santosh Trophy

Shillong: Ka Meghalaya, ka la shah pynliem ha ka Punjab da 1-0, ha ka jing ialehkai kaba khadduh ha ka Group A, jong ka National Football Championship jong ka Santosh Trophy, kaba long ha Manjeri Payyanad Football Stadium ha Kerala, mynta ka miet.

Ha ka kylla step, ka la dei ka jing ialehkai kaba iakhaid na baroh arliang, hynrei ka Meghalaya, ka la shah thep shi kol, ha ka minit kaba 47, ha ka kylla miet, ha kaba la thep da U Amarpreet Singh. Na ka liang ka Meghalaya, ka shim ba katei ka offside, hynrei u assistant referee, um shym la rah satia ia ka lama jongu bad U Singh, ula ioh ban thep kol.

Ka Meghalaya, kaba ioh 4 point, ka la shah weng noh na ka jingialehkai bad ki la hap ban wan phai iing noh. La ialam ia katei ka kynhun, da U Bah Bobby L Nongbet, uba dei u nonghikai jong katei ka kynhun ialehkai.